Rutiner ved ulykker/nestenulykker som involverer studenter

Fastsett av universitetsdirektøren 20. april 2009, revidert januar 2010 og november 2011

Ulykke i studiesituasjon der studentar er involvert

Studiesituasjon omfattar aktivitetar på campus, i praksisopplæring og på ekskursjonar og liknande. Rutinen skal følgjast ved ulykke som har medført personskade eller skade på materiell og ved nestenulykke som kunne ha medført tilsvarande skade.

• Yte førstehjelp, sikre skadestaden, sørgje for transport til lege/sjukehus. Ansvar: Alle som er til stades.
• Kontakte fakultetsdirektør/avdelingsdirektør snarast råd med mindre det er openbart at situasjonen ikkje er alvorleg eller kan utvikle seg til å bli det. Ansvar: Faglærer eller andre tilsette eller studentar som er til stades. Fakultetsdirektør vurderer om det er naudsynt å informere rektor og universitetsdirektør. Større ulykker skal handsamast i samsvar med universitetet sin plan for krisehandtering. Ved dødsfall: sjå punkt 3.
• Leggje til rette for at involverte studentar kan kontakte sine pårørande dersom situasjonen tilseier dette. Ansvar: Faglærar eller andre tilsette eller studentar som er til stades. Pårørande til forulykka og alvorleg skadde vert varsla av politi, sjukehus eller prest - ingen namn vert oppgitt av universitetet!
• Vurdere behov for informasjon internt og eksternt. Ansvar: Fakultetsdirektør/avdelingsdirektør i samråd med rektor/universitetsdirektør. Saker der dette er aktuelt, vert normalt handsama i samsvar med universitetet sin plan for krisehandtering.
• Vurdere behov for oppfølging av andre enn den/dei direkte involverte. Ansvar: Fakultetsdirektør/avdelingsdirektør. Ressursgruppe beståande av studiedirektør, psykososial helseteneste og studentprest vert involvert etter behov, ev. også representant for Internasjonalt kontor for utdanning dersom saka gjeld ein utvekslingsstudent.
• Skjemaet Rapport om skade, ulykke eller nestenulykke – studenter (lekkje på høgre side) skal fyllast ut og signerast av faglærer/annan tilsett samt involvert(e) student(ar). Skjemaet skal sendast til fakultetsdirektør/avdelingsdirektør. Ansvar: Faglærar eller andre tilsette som er til stades. Dersom berre studentar er til stades, bed ein dei om å skrive ei kort oppsummering av hendinga og levere denne til fakultetsdirektør/avdelingsdirektør. Fakultetsdirektør signerer og sender kopi til Utdanningsavdelingen ved Janne Aurebekk Andersen.
• Ved personskade som krev legebehandling: skjemaet Melding om yrkesskade (lekkje på høgre side) skal sendast NAV Trygd innan 3 dagar. Ansvar: Fakultetsdirektør/avdelingsdirektør. Dersom skaden skjer medan studentane er i praksis, skal skjemaet fyllast ut av praksisstaden. Studentar er yrkesskadedekka for yrkesskader som dei vert påførde på undervisningsstaden i undervisningstida, jf. Folketrygdloven § 13-10. Meir informasjon om dekning av utgifter ved yrkesskade.
• Oppfølging med tanke på å førebyggje tilsvarande hendingar i framtida. Ansvar: Fakultetsdirektør/avdelingsdirektør.
• Oppfølgingstelefon(ar) etter ca. ei veke: kontroll av at den/dei involverte har fått naudsynd hjelp. Ansvar: Fakultetsdirektør/avdelingsdirektør.
• Læringsmiljøutvalet vert informert om saka og korleis den er fylgt opp. Ansvar: Fakultetsdirektør/avdelingsdirektør.

Ulykke utanfor studiesituasjonen

Omgrepet studiesituasjon omfattar aktivitetar på campus, i praksisopplæring og på ekskursjonar og liknande.

• Melding til fakultetsdirektør/avdelingsdirektør. Ansvar: Tilsette eller studentar som får kjennskap til saken.
• Ta kontakt med ressursgruppe. Gruppa i samarbeid med fakultetsdirektøren vurderer vidare tiltak i forhold til skadd(e)/sjuk(e) student(ar), pårørande og medstudentar. Ansvar: Fakultetsdirektør/avdelingsdirektør. Ressursgruppe: Studiedirektør, psykososial helseteneste og studentprest.

Dødsfall hos studentar

Alle dødsfall er forskjellige, og krev ulik handtering. Dette notatet er meint som ei hjelp for dei som har ansvar for å følgje opp eit dødsfall i forhold til studentar, tilsette og pårørande. Hovudansvaret for å handtere situasjonen ligg hjå fakultetsdirektøren ved fakultetet der studenten høyrte til, ev. hjå avdelingsdirektør ved Avdeling for lærarutdanning dersom studenten var student på eit av studia denne avdelinga har ansvar for.

Ressursgruppe

Det er etablert ei ressursgruppe som kan støtte fakulteta/Avdeling for lærarutdanning i å handtere informasjon og oppfølging etter dødsfall. Gruppa består av:

• Greta Hilding, studiedirektør
• Eli Stålesen, Gestaltterapeut/sjukepleiar
• Erland Grøtberg, studentprest
• Dersom saka gjeld ein utvekslingsstudent (inn- eller utreisande), bør i tillegg Internasjonalt kontor for utdanning v/Aase Galteland bli kontakta.

Informasjon og oppfølging overfor medstudentar, tilsette og pårørande

Fakultetsdirektør/avdelingsdirektør i samarbeid med ressursgruppa vurderer i det einskilde tilfelle om det skal gjennomførast informasjonsmøte og/eller samtalegrupper, minnestund eller andre tiltak retta mot medstudentar og/eller tilsette.

Når fakultetet/avdelinga er informert om dødsfallet før gravferda, skal det sendast blomehelsing til gravferda. Universitetet bør vera representert i gravferda. Det skal flaggast på halv stang gravferdsdagen. Fakultetsdirektør/avdelingsdirektør har ansvar for at driftstenesta blir varsla og for informasjon på Innaskjærs om at me markerer gravferda til ein tilsett/student. Fakultetsdirektør/avdelingsdirektør har også ansvar for å vurdere behov for informasjon om dette til studentar.

Universitetet si leiing ved studiedirektøren skal varslast så raskt som råd om dødsfall blant studentar. Studiedirektøren har ansvar for at kondolansebrev vert sendt, underskrive av rektor, til nærmaste pårørande. Annan kontakt med pårørande før eller etter gravferda vert vurdert i det einskilde tilfelle.

Etterarbeid

• Sluttmelding i FS. Ansvar: Leiar for Utdanningsavdelingen
• Stenging av heimesider på web og  sletting av brukaromårde. Ansvar: Leiar for IT-avdelinga. Jf. eiga rutineskildring utarbeid av IT-avdelinga.
• Sørgje for at bøker og eventuelle andre personlige eigendelar vert overlevert/sendt til pårørande. Ansvar: Fakultetsdirektør/avdelingsdirektør. Ved dødsfall i studiesituasjonen skal studenten sine nærmaste pårørande inviterast til besøk på universitetet.