SK-200 Skolebibliotekkunnskap 3: Informasjonskompetanse og leseutvikling

Emnet er knytt til følgjande studieprogram

• Skolebibliotekkunnskap, bachelorprogram
• Skolebibliotekkunnskap 3 - informasjonskompetanse og leseutvikling, påbyggingsstudium

Undervisningsspråk

Norsk.

Forkunnskapskrav

Skolebibliotekkunnskap 1 og Skolebibliotekkunnskap 2, eller tilsvarande.

Innhald

Emnet gir ei innføring i det kunnskapssynet og læringssynet som ligg til grunn for arbeid med bibliotek og informasjonskjelder i skolen. Sentrale tema er biblioteket som læringsarena, skolebiblioteket si rolle i elevane si fag- og allmenndanning, utvikling av informasjonskompetanse og av elevane sine lesestrategiar i arbeid med fagtekster, fiksjonstekster og samansette tekster.

Læringsutbytte

Kunnskap

Etter fullført emne skal studenten

• ha kunnskap om skolebiblioteket si rolle som lærings- og danningsarena i eit fleirkulturelt og teknologisk samfunn

• ha kunnskap om feltet informasjonskompetanse - informasjonssøk, kjeldevurdering, lesing av ulike typar tekstar og bruk av informasjon i eiga kunnskapsdanning

• kjenne til nyare forsking om leseutvikling

Ferdigheiter

Etter fullført emne skal studenten

• ha grunnleggjande ferdigheiter i søk, vurdering og bruk av informasjon

• kunne reflektere over og vise korleis skolebiblioteket kan nyttast i elevane sitt arbeid med å utvikle lesestrategiar

Generell kompetanse

Etter fullført emne skal studenten

• kunne formidle vidare kunnskapane sine om ulike typar tekster, leseutvikling og informasjonskompetanse

Vilkår for å gå opp til eksamen

To obligatoriske arbeidskrav. Oversikt over desse vil liggje føre ved semesterstart.

Undervisnings- og læringsformer

Emnet er organisert som eit nettbasert deltidsstudium. Det er éi friviljug fellessamling i Kristiansand. Det meste av undervisning og rettleiing går føre seg på ei digital læringsplattform. Studentane vil møte varierte undervisnings- og rettleiingsformer på læringsplattforma, til dømes skjermopptak, video og skriftlege førelesingar. Emnet har eit forventa arbeidsomfang på 400 timar.

Studentevaluering

Emneansvarleg i samråd med studenttillitsvald avgjer evalueringsform og om emna skal ha midtvegs- eller sluttevaluering, jf. kvalitetssystemet kapittel 4.1.

Eksamen

Hjemmeeksamen (48 timar). Gradert karakter.