NO-409 Skrift og tale, språkleg mangfald i skolen

Emnet er knytt til følgjande studieprogram

• Fagdidaktikk for grunnskolens trinn 1-7, 2-årig masterprogram
• Grunnskolelærerutdanning for trinn 1-7, 5-årig masterprogram

Undervisningsspråk

Norsk

Forkunnskapskrav

Grunnskolelærarstudentar må ha fullført og bestått NO-155 Norsk for barnetrinnet 1, NO-156 Norsk for barnetrinnet 2 og NO-157 og NO-157 Norsk for barnetrinnet 3.

Andre studentar må ha fullført og bestått grunnskolelærarutdanning med minimum 60 stp. i norsk retta inn mot undervisning på trinn 1-7, eller allmennlærarutdanning med minimum 60 stp. i norsk.

Innhald

Gjennom arbeidet med emnet skal studentane tileigne seg avansert kunnskap om språkleg variasjon i skrift og tale og om arbeid med dette i norskfaget, der begynnaropplæringa blir særleg vektlagd. Studentane skal få inngåande kunnskap om viktig forsking som gjeld språkleg mangfald, og kunne sjå korleis ulike teoretiske innfallsvinklar kan gi ulike perspektiv på elevars munnlege og skriftlege tekstar. Studentane skal også reflektere over vekslande syn på språkleg mangfald si rolle i skolen. Gjennom arbeid med emnet skal studentane få avansert innsikt i språkundervisning, slik at samanhengen mellom teoretiske modellar og den praktiske bruken av desse blir tydeleg.

Faget i praksis

Gjennom arbeidet med emnet skal studentane vidareutvikle dei faglege føresetnadene for å kunne planlegge, gjennomføre og evaluere undervisning i språk på 1.¿7. trinn i grunnskolen. Emnet førebur studenten til avansert fagdidaktisk refleksjon knytt til arbeid i klasserommet. Erfaringar studentane har gjort seg med norskfaget i praksis vil vere viktige for arbeidet med emnet.

Læringsutbytte

Kunnskapar:

Etter fullført emne skal studenten

• ha inngåande kunnskap om forsking som gjeld språkleg mangfald i skrift og tale (før og no)

• ha inngåande kunnskap om språkundervisning med vekt på begynnaropplæringa, og om språkdidaktikk

• ha inngåande kunnskap om korleis ein kan tilpasse språkundervisninga til elevar med ulike føresetnader og behov

Ferdigheiter:

Etter fullført emne skal studenten

• kunne orientere seg i og vurdere kritisk nasjonal og internasjonal forsking, og kunne bruke innsikter frå dette i eige undervisningsarbeid

• kunne utvikle, gjennomføre og evaluere begynnaropplæring knytt til språkleg mangfald, og som er forankra i forskingsbasert kunnskap

• kunne reflektere over forholdet mellom språkteori og didaktikk

• kunne på eit avansert nivå analysere og vurdere munnlege og skriftlege elevtekstar med utgangspunkt i språkleg mangfald

• kunne analysere digitale og analoge læringsressursar og kritisk vurdere bruken av dei

Vilkår for å gå opp til eksamen

Godkjend deltaking i obligatorisk undervisning.

Godkjende obligatoriske arbeidskrav som går fram av oversikt gjort kjend ved semesterstart, jf. Forskrift om studier og eksamen § 16.

Andre studentar må ha godkjend praksis. Enkeltemnestudentar skal utføre eit didaktisk arbeid av tilsvarande omfang, som må vere godkjend.

Undervisnings- og læringsformer

Emnet er lagt opp med ulike undervisningsformer. Det blir lagt vekt på studentaktive arbeidsmåtar som gruppearbeid, munnlege framlegg og skriftlege studentarbeid. Det er venta at studentane er i stand til å delta i faglege samtalar på eit avansert nivå.

Emnet legg opp til å arbeide med digitale verktøy som kan vere tenlege for språkundervisning på 1.-7. trinn i grunnskolen.

Obligatorisk deltaking i undervisninga vil gå fram av semesterplanen.

Det inngår 5 dagar praksis for grunnskolelærarstudentar i emnet. Desse skal vere ei førebuing til praksisperioden i 8. semester. Andre studentar skal utføre eit didaktisk arbeid av tilsvarande omfang.

Emnet har eit venta arbeidsomfang på 400 timar.

Studentevaluering

I samråd med studenttillitsvald fastset emneansvarleg evalueringsform og om emna skal ha midtvegs- eller sluttevaluering, jf. kvalitetssystemet kapittel 4.1.

Tilgang for privatistar

Nei

Vert tilbydd som enkeltemne

Ja, under føresetnad av ledig kapasitet.

Opptakskrav om tilbydd som enkeltemne

Fullført og bestått grunnskolelærarutdanning med minimum 60 stp. i norsk retta inn mot undervisning på trinn 1-7, eller allmennlærarutdanning med minimum 60 stp. i norsk.

Eksamen

Ein individuell skriftleg eksamen på 8 timar under tilsyn med gradert karakter. Valfri målform. Dei to målformene bokmål og nynorsk skal brukast på kvar sin skriftlege eksamen dette semesteret. Dersom ein vel å skrive bokmål på den skriftlege eksamenen i Skrift og tale, språkleg mangfald i skolen (NO-409), må ein skrive nynorsk på heimeeksamenen i Barnelitteratur (NO-410).

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne	Studiepoengreduksjon
NO-405 – Norsk som skolefag og vitskapsfag	5