SK-100 Skolebibliotekkunnskap 1

Emnet er knytt til følgjande studieprogram

• Skolebibliotekkunnskap, bachelorprogram
• Skolebibliotekkunnskap 1, halvårsstudium

Undervisningsspråk

Norsk.

Innhald

Skolebibliotekkunnskap 1 er delt inn i tre delar:

1. Skolebiblioteket i skolen sitt læringsmiljø (10 studiepoeng)

2. Bibliotekfagleg kunnskap (10 studiepoeng)

3. Litteratur- og mediekunnskap (10 studiepoeng)

Læringsutbytte

Kunnskap

Etter fullført emne skal studenten

• ha kunnskap om skolebiblioteket som lærings- og danningsarena

• ha kunnskap om forsking om skolebibliotek og relevante grunnlagsdokument (lovverk og læreplanar)

• ha kunnskap om barne- og ungdomslitteratur

• ha kunnskap om forsking og relevante problemstillingar i møte med born og unge sin bruk av media

• ha kunnskap om grunnleggjande kunnskapsorganisering

Ferdigheiter

Etter fullført emne skal studenten

• kunne bruke skolebiblioteket i ulike arbeidsformer og metodar i undervisninga

• kunne bruke og vurdere ulike tekster, læremiddel og informasjonskjelder

• kunne administrere og drifte eit skolebibliotek

Generell kompetanse

Etter fullført emne skal studenten

• kunne sjå nye moglegheiter for bruk av skolebiblioteket som ein aktiv del av skolens læringsmiljø

Vilkår for å gå opp til eksamen

• Fire godkjende obligatoriske arbeidskravmå være godkjende før siste eksamen. Oversikt over desse vil liggje føre ved semesterstart.

• Ei obligatorisk rettleiing knytt til prosjektoppgåva.

Undervisnings- og læringsformer

Studiet er organisert som eit deltidsstudium over to semester. To friviljuge fellessamlingar, ei i kvart semester, blir arrangerte i Kristiansand. Det meste av undervisning og rettleiing går føre seg på ei digital læringsplattform. Studentane vil møte varierte undervisnings- og rettleiingsformer på læringsplattforma, til dømes skjermopptak, video og skriftlege førelesingar.

Praksis: Studenten skal utføre eit praksisarbeid med omfang som tilsvarer om lag éi arbeidsveke. Praksisarbeidet skal dokumenterast i ein rapport som utgjer eitt av dei obligatoriske arbeidskrava i emnet.

Prosjektoppgåve: Studenten vel prosjektoppgåve i samråd med faglærar. Prosjektoppgåva kan med fordel ha karakter av FoU-arbeid, gjerne ved eigen skole. Prosjektoppgåva utgjer ein del av den avsluttande vurderinga, sjå Eksamen.

Emnet har eit forventa arbeidsomfang på 800 timar

Studentevaluering

Emneansvarleg i samråd med studenttillitsvalgt fastsett evalueringsform og om emnet skal ha midtveis- eller sluttevaluering, jf. kvalitetssystemet kapittel 4.1. Informasjon om evalueringsform for emnet publiseres i Canvas.

Eksamen

Det blir gitt éin samanfattande, gradert karakter. Denne karakteren byggjer på følgjande komponentar (vektlegginga er oppgitt i brøk):

• Ei mappe (individuelt arbeid) med tre ulike skriftlege arbeid innanfor delen "Bibliotekfagleg kunnskap": ei praktisk oppgåve knytt til grunnleggjande innføring i biblioteksystem, ei oppgåve innan klassifisering, og ei oppgåve i form av eit blogginnlegg (1/3)

• Skriftleg, individuell 48-timars heimeeksamen innanfor delen "Litteratur og mediekunnskap" (1/3)

• Prosjektoppgåve innanfor delen "Skolebiblioteket i skolen sitt læringsmiljø" (1/3)

Mappeeksamenen har som oftast innleveringsfrist seint i høstsemesteret og prosjektoppgåva seint i vårsemesteret. Heimeeksamenen blir vanlegvis arrangert tidleg i vårsemesteret.  

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne	Studiepoengreduksjon
SK-900 – Skolebibliotekkunnskap 1	30
SK-1110 – Skolebibliotekkunnskap 1, prosjektoppgave	15
SK-1120 – Skolebibliotekkunnskap 1, skriftlig eksamen	15
SK-904 – Skolebiblioteket i fagfornyelsen	15