NO-157 Norsk for barnetrinnet 3

Emnet er knytt til følgjande studieprogram

• Grunnskolelærerutdanning for trinn 1-7, 5-årig masterprogram

Undervisningsspråk

Norsk

Forkunnskapskrav

Grunnskolelærarstudentar må ha bestått NO-155 Norsk for barnetrinnet 1 og NO-156 Norsk for barnetrinnet 2.

Innhald

Norsk på barnetrinnet 3 gir omfattande kunnskap om litteratur- og språkhistorie. Vidare gir emnet djupare innsikt i språkleg variasjon som t.d. dialektar og fleirspråklegheit, og i litteraturteori og -didaktikk. Emnet gir også djupare innsikt i fagdidaktiske spørsmål i lese- og skriveopplæringa, og breiare fagleg grunnlag for arbeid med læringsfremjande vurdering og tilpassa norskopplæring for alle elevar. Studentane skal også vidareutvikle sine eigne skriftlege ferdigheiter i bokmål og nynorsk, eigen tekstkompetanse og formidlingsevne.

FoU-oppgåva skal vere eit sjølvstendig og forskingsbasert skriftleg arbeid der studenten skal formulere og svare på ei vald problemstilling. Problemstillinga skal vere profesjonsretta og praksisorientert. Oppgåva skal gi ei heilskapleg og samanhengande framstilling av og refleksjon over sentrale spørsmål i profesjonsutøving. Oppgåva skal skrivast individuelt.

Faget i praksis

Gjennom arbeidet med emnet skal studentane tileigne seg eit godt fagleg grunnlag for å kunne planlegge, gjennomføre og evaluere norskundervisning på 1.-7. trinn i grunnskolen. Studentane vil få praksisrelaterte oppgåver som skal gi øving i grundig fagdidaktisk refleksjon. Erfaringar studentane har gjort seg med norskfaget i praksisperioden vil vere viktige for det vidare arbeidet med emnet.

Læringsutbytte

Kunnskap

Etter fullført emne skal studenten

• ha omfattande kunnskap om språkleg variasjon og norsk som første- og andrespråk

• ha kunnskap om språkhistorie, språklege endringsprosessar i eldre og nyare tid og gjeldande normering av nynorsk og bokmål

• ha breiare kunnskap om samisk språk, litteratur og kultur, nasjonale minoritetsspråk og nabospråk

• ha kunnskap om skjønnlitteratur frå ulike tider og forteljingar i ulike medium, for barn, unge og vaksne

• ha brei kunnskap om litteraturdidaktiske tilnærmingar og kunnskap om ulike litteraturteoretiske perspektiv

• ha omfattande kunnskap om munnleg kommunikasjon, begynnaropplæringa og den vidare opplæringa i lesing og skriving

Ferdigheiter

Etter fullført emne skal studenten

• kunne bruke kunnskap om grammatikk og språk, tekstar og litteratur i analyse av munnlege, skriftlege og multimodale tekstar

• kunne gi tilpassa opplæring for minoritetselevar med varierande ferdigheiter i munnleg og skriftleg norsk

• kunne legge til rette for variert arbeid med skjønnlitteratur og sakprega tekstar i tradisjonelle og moderne medium

• kunne bruke relevante metodar og ny teknologi på måtar som fremjar samarbeid og fagleg progresjon i begynnaropplæringa og den vidare lese- og skriveopplæringa

• kunne legge til rette for at elevar på trinn 1-7 lærer å lese, skrive og diskutere saktekstar og skjønnlitterære tekstar i ulike sjangrar og medium

• kunne planlegge, gjennomføre og vurdere arbeid med skjønnlitterære tekstar frå ulike perspektiv og for ulike formål på barnetrinnet

• kunne skrive akademiske fagtekstar på nynorsk og bokmål

• kunne skrive ei forskings- og utviklingsoppgåve der han formulerer og svarer på ei vald problemstilling i tråd med vitskapleg praksis

• ha utvikla profesjonsfagleg digital kompetanse med særleg fokus på relevant kompetanse for norskundervisning på barnetrinnet

Generell kompetanse

Etter fullført emne skal studenten

• ha innsikt i skulefagets historie og eigenart som språk-, kultur-, litteratur- og danningsfag

• kunne tileigne seg fagstoff og didaktiske arbeidsmåtar i faget gjennom estetiske læringsprosessar

• kunne formidle fagstoff om språk, litteratur, tekstar og medium i relevante uttrykksformer

• kjenne til fagdidaktisk forsking og utviklingsarbeid og kunne drøfte forskingsetiske problemstillingar

Vilkår for å gå opp til eksamen

1. 70% obligatorisk deltaking i undervisning i emnet (inkludert fellessamlingar). Kravet kan skjerpast innanfor bestemte tema som blir gjort kjende ved semesterstart.

2. Godkjende obligatoriske arbeidskrav som går fram av oversikt gjort kjend ved semesterstart.

3. Grunnskulelærarstudentar må ha bestått praksis. Enkeltemnestudentar skal utføre eit didaktisk arbeid av tilsvarande omfang, som må vere bestått.

Undervisnings- og læringsformer

Emnet er lagt opp med ulike undervisningsformer i større og mindre studentgrupper. Det blir lagt vekt på studentaktive arbeidsformer som gruppearbeid, munnlege framlegg og skriftlege studentarbeid.

Emnet legg opp til øvingar i refleksjon knytt til lesing og produksjon av digitale tekstar for å fremje utvikling av profesjonsfagleg digital kompetanse.

Det inngår 15 dagar praksis for grunnskulelærarstudentar i emnet. Enkeltemnestudentar skal utføre eit didaktisk arbeid av tilsvarande omfang.

Emnet har eit venta arbeidsomfang på 800 timar.

Studentevaluering

I samråd med studenttillitsvald fastset emneansvarleg evalueringsform og om emna skal ha midtvegs- eller sluttevaluering, jf. kvalitetssystemet kapittel 4.1.

Vert tilbydd som enkeltemne

Ja, med forbehold om ledig kapasitet.

Opptakskrav om tilbydd som enkeltemne

Enkeltemnestudentar må ha fullført lærarutdanning retta inn mot grunnskolen med 30 stp. norsk.

Eksamen

• Individuell FoU-oppgåve med bokstavkarakter. Oppgåva skal skrivast på bokmål eller nynorsk (motsett av den målforma ein vil bruke på skriftleg eksamen).

• Ein munnleg individuell eksamen med bokstavkarakter.

• Ein skriftleg individuell eksamen på 6 timar under tilsyn med bokstavkarakter. Eksamenen skal skrivast på bokmål eller nynorsk (motsett av den målforma ein vil bruke på FoU-oppgåva).

Resultat frå dei tre eksamenane blir vekta likt i ein samla karakter.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne	Studiepoengreduksjon
NO-148 – Norsk - emne 3	10
NO-158 – Norsk for mellomtrinnet	10
NO-159 – Norsk for ungdomstrinnet	10
NO-160 – Norsk for mellom- og ungdomstrinnet	10