NO-415 Multimodal literacy
- Studiepoeng:
- 15
- Ansvarlig avdeling:
- Fakultet for humaniora og pedagogikk
- Undervisningssemester:
- Vår
- Undervisningsspråk:
- Norsk
- Varigheit:
- 1 semester
Emnet er knytt til følgjande studieprogram
- Fagdidaktikk for grunnskolens trinn 5-10, 2-årig masterprogram
- Grunnskolelærerutdanning for trinn 5-10, 5-årig masterprogram
Undervisningsspråk
NorskForkunnskapskrav
Grunnskolelærarstudentar må ha fullført og bestått NO-158 Norsk for mellomtrinnet og NO-159 Norsk for ungdomstrinnet. Andre studentar må ha fullført og bestått grunnskolelærarutdanning med minimum 60 stp. i norsk retta inn mot undervisning på trinn 5-10, eller allmennlærarutdanning med minimum 60 stp. i norsk.
Innhald
Literacy dreier seg overordna sett om korleis vi skaper meining gjennom tekstar. Ettersom tekstar og medium stadig blir tettare integrert i samfunnsliv og personleg liv, blir literacy sentralt for personleg danning og deltaking i samfunnet og i demokratiske prosessar. Dette emnet set søkelyset på literacyomgrepet slik det kjem til uttrykk i multimodale (samansette) tekstar i ein medialisert kultur. Hovudvekta ligg på tekstar som blir brukt i norskfagleg læring, og vi drøftar korleis desse tekstane og læringsprosessane dei er ein del av, blir forma av kultur, teknologi og bruk.
Faget i praksis
Gjennom arbeidet med emnet skal studentane vidareutvikle dei faglege føresetnadene for å kunne planlegge, gjennomføre og evaluere arbeid med multimodal literacy på 5-10. trinn i grunnskolen. Emnet førebur studenten til avansert fagdidaktisk refleksjon knytt til arbeid i klasserommet. Erfaringar studentane har gjort seg med norskfaget i praksis vil vere viktige for arbeidet med emnet.
Læringsutbytte
Kunnskap:
Etter fullført emne skal studenten
-
ha avansert kunnskap om multimodal literacy og kjennskap til aktuelle forskingsmetodar på feltet
-
ha avansert kunnskap om bruk av multimodale tekstar og medium i den andre lese- og skriveopplæringa
Ferdigheiter:
Etter fullført emne skal studenten
-
kunne bruke ulike modalitetar og medium i tilpassa undervisning for elevar med ulike føresetnader og behov
-
kunne vurdere multimodale elevtekstar og gi læringsfremjande tilbakemelding
-
kunne vurdere semiotiske, materielle og teknologiske aspekt ved analoge og digitale læringsressursar
Generell kompetanse:
Etter fullført emne skal studenten
-
kunne orientere seg i og reflektere kritisk over relevant nasjonal og internasjonal forsking
-
kunne formidle og kommunisere om norskfaglege problemstillingar og ha profesjonsfagleg digital kompetanse
-
kunne bidra til utviklingsarbeid som fremjar didaktisk nytenking i norskfaget
Vilkår for å gå opp til eksamen
Godkjend deltaking i obligatorisk undervisning.
Godkjende obligatoriske arbeidskrav som går fram av oversikt gjort kjend ved semesterstart, jf. Forskrift om studier og eksamen § 16.
Grunnskolelærarstudentar må ha godkjend praksis. Andre studentar skal utføre eit didaktisk arbeid av tilsvarande omfang, som må vere godkjend.
Undervisnings- og læringsformer
Emnet er lagt opp med ulike undervisningsformer. Det blir lagt vekt på studentaktive arbeidsmåtar som seminar, presentasjonar, ekskursjonar og refleksjonar kring elevars tekstskaping og mediebruk i didaktisk kontekst. Det er venta at studentane er i stand til å delta i faglege samtalar på eit avansert nivå.
Obligatorisk deltaking i undervisninga vil gå fram av semesterplanen.
Det inngår 25 dagar praksis for grunnskolelærarstudentar i emnet. Andre studentar skal utføre eit didaktisk arbeid av tilsvarande omfang.
Emnet har eit venta arbeidsomfang på 400 timar.
Studentevaluering
I samråd med studenttillitsvald fastset emneansvarleg evalueringsform og om emna skal ha midtvegs- eller sluttevaluering, jf. kvalitetssystemet kapittel 4.1.
Tilgang for privatistar
Nei.
Eksamen
Munnleg individuell eksamen med bokstavkarakter. Eksamen skal innehalde ein multimodal presentasjon.
Reduksjon i studiepoeng
Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:
Emne | Studiepoengreduksjon |
---|---|
NO-405 – Norsk som skolefag og vitskapsfag | 5 |