NO-155 Norsk for barnetrinnet 1

Emnet er knytt til følgjande studieprogram

• Grunnskolelærerutdanning for trinn 1-7, 5-årig masterprogram

Undervisningsspråk

Norsk

Innhald

Norsk for barnetrinnet 1 gir eit første grunnlag for norskundervisning på trinn 1-7, med hovudvekt på dei lågaste trinna. Sentralt står språklege og litterære emne, fagdidaktiske spørsmål og arbeid med dei grunnleggande ferdigheitene, særleg den første lese- og skriveopplæringa. Emnet presenterer studentane for aktuell forsking og vitskapleg tenking i faget. Ein legg dessutan vekt på at studentane skal utvikle sine eigne språkferdigheiter og eigen tekstkompetanse og formidlingsevne. Studentane vil få trening i akademisk skriving.

Faget i praksis

Gjennom arbeidet med emnet skal studentane tileigne seg eit godt fagleg grunnlag for å kunne planlegge, gjennomføre og evaluere norskundervisning på 1.-4. trinn i grunnskolen. Observasjonspraksis i barnehagen vil gi innsikter som er viktige for begynnaropplæringa i norskfaget. Studentane vil få praksisrelaterte oppgåver som skal gi øving i grundig fagdidaktisk refleksjon. Erfaringar studentane har gjort seg med norskfaget i praksisperioden vil vere viktige for det vidare arbeidet med emnet.

Læringsutbytte

Kunnskap

Etter fullført emne skal studenten

• ha kunnskap om språket som system og språket i bruk, med særleg vekt på fonologi og morfologi

• ha omfattande kunnskap om barns språkutvikling

• ha kunnskap om eit utval skjønnlitterære tekstar i ulike sjangrar og medium, med vekt på litteratur for barn på dei lågaste skoletrinna

• ha brei kunnskap om metodar i den første lese- og skriveopplæringa

• ha kunnskap om læremiddel for dei lågaste skoletrinna

• ha kunnskap om relevant forskings- og utviklingsarbeid i norskfaget, med særleg vekt på emne relatert til norskundervisning på dei lågaste trinna i grunnskolen

Ferdigheiter

Etter fullført emne skal studenten

• kunne bruke kunnskap om språk og språkutvikling i språkstimulerande arbeid på dei lågaste skoletrinna og gjere greie for fagdidaktiske val som skal fremje munnleg og skriftleg språkutvikling for alle elevar

• kunne planlegge, gjennomføre og evaluere elev- og klassesamtaler på dei lågaste skoletrinna

• kunne bruke ulike metodar i den første lese- og skriveopplæringa og tilpasse opplæringa for elevar med ulik bakgrunn og varierande ferdigheiter i norsk

• kunne vurdere lese- og skriveferdigheiter på dei lågaste skoletrinna, og gi læringsfremjande respons til alle elevar

• kunne planlegge, gjennomføre og vurdere arbeid med skjønnlitterære tekstar frå ulike perspektiv og for ulike formål på dei lågaste skoletrinna

• kunne vurdere ulike norskfaglege læremiddel, særleg for dei lågaste trinna i skolen

• ha utvikla profesjonsfagleg digital kompetanse med særleg fokus på relevant kompetanse for norskundervisning på dei lågaste skoletrinna

• ha vidareutvikla sine eigne språkferdigheiter, tekstkompetanse og formidlingsevne

• kunne finne fram til, lese og forstå relevant forskings- og utviklingsarbeid i norskfaget, med særleg vekt på emne relatert til norskundervisning på dei lågaste trinna i grunnskolen

Generell kompetanse

Etter fullført emne skal studenten

• kunne legge til rette for at elevar på 1.-4. trinn utviklar og vidareutviklar grunnleggande språkferdigheiter og blir tekstkyndige språkbrukarar som kan delta aktivt i klasserommet og på andre sosiale arenaer

• kunne tileigne seg fagstoff og didaktiske arbeidsmåtar i faget gjennom estetiske læringsprosessar

• kunne planlegge og gjennomføre norskundervisning i sentrale emne på dei lågaste trinna i grunnskolen, og gjere greie for elevtilpassa fagdidaktiske val

• kunne vurdere eigen praksis på dei lågaste skoletrinna med grunnlag i gjeldande læreplanar, fagkunnskap og fagdidaktisk innsikt

Vilkår for å gå opp til eksamen

• 70% obligatorisk deltaking i undervisning i emnet. Kravet kan skjerpast innanfor bestemte tema som blir gjort kjende ved semesterstart.

• Beståtte obligatoriske arbeidskrav som går fram av oversikt gjort kjend ved semesterstart.

• Grunnskolelærarstudentar må ha bestått praksis. Enkeltemnestudentar skal utføre eit didaktisk arbeid av tilsvarande omfang, som må vere bestått.

Undervisnings- og læringsformer

Emnet er lagt opp med ulike undervisningsformer i større og mindre studentgrupper. Det blir lagt vekt på studentaktive arbeidsformer som gruppearbeid, munnlege framlegg og skriftlege studentarbeid.

Emnet legg opp til øvingar i refleksjon knytt til lesing og produksjon av digitale tekstar for å fremje utvikling av profesjonsfagleg digital kompetanse.

Det inngår 20 dagar praksis for grunnskulelærarstudentar i emnet. Enkeltemnestudentar skal utføre eit didaktisk arbeid av tilsvarande omfang.

Emnet har eit venta arbeidsomfang på 400 timar.

Studentevaluering

I samråd med studenttillitsvald fastset studieprogramleiar evalueringsform og om emna skal ha midtvegs- eller sluttevaluering, jf. kvalitetssystemet kapittel 4.1.

Vert tilbydd som enkeltemne

Ja, under føresetnad av ledig kapasitet og fullført lærarutdanning retta inn mot grunnskolen.

Opptakskrav om tilbydd som enkeltemne

Enkeltemnestudentar må ha fullført lærarutdanning retta inn mot grunnskolen.

Eksamen

Individuell munnleg eksamen med bokstavkarakter.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne	Studiepoengreduksjon
NO-140 – Norsk - emne 2	15
NO-140 – Norsk - emne 2	15