Studentorganisasjonen (STA) er det offisielle høyringsorganet studentane har overfor Universitetet i Agder. Oppgåva vår er å arbeide for dei faglege, sosiale, økonomiske og velferdsmessige interessene til studentane ved Universitetet i Agder.
Vi organiserer rundt 14 000 studentar, og er paraplyorganisasjonen for ei mengde med studentaktivitetar og linjeforeningar.
Studentparlamentet
Studentparlamentet er STAs øvste avgjerande instans. Studentparlamentet består av urnevalde studentar frå kvart fakultet og avdeling for lærarutdanning.
Som studentpolitisk organ vedtar Studentparlamentet saker som omfattar studentane ved Universitetet i Agder. Studentparlamentet har for eksempel uttalt seg om studentombod, automatisk grunngiving for eksamenskarakteren, anonym varsling i skikkasaker og endringar i forskrift om eigenbetaling.
Studentparlamentet vel også studentrepresentantar til ulike råd, styre og utval ved UiA, STA og Norsk Studentorganisasjon (NSO). Dette blir i hovudsak gjort på valforsamling i mai. Virkeperioden er juli til juni.
Studentparlamentet blir valt i vårsemesteret og har virkeperiode frå august til juni. Alle semesterregistrerte studentar ved UiA kan stille til val.
Gjennom å engasjere deg i studietida vil du få god og nyttig erfaring som du kan ta med deg inn i studia og arbeidslivet. Du utvidar din eigen kompetanse, og viser overfor framtidige arbeidsgivarar at du er engasjert.
Ved å engasjere deg i STA eller råd, styre og utval på UiA kan du vere med på å forbetre studiekvardagen din.
For meir informasjon om korleis du kan engasjere deg, send oss ein e-post på sta@uia.no
Studentaktiviteter
Studentorganisasjonen i Agder er ein paraplyorganisasjon for nærare 60 studentaktivitetar på Universitetet i Agder, fordelt på begge campusar. Det er eit breitt utval å velje mellom, med alt frå kor til sportslege og politiske aktivitetar. Dersom du meiner det manglar nokon aktivitetar, kan du alltids starte din eigen studentaktivitet.
Velferdstinget i Agder er eit organ for alle studentar ved medlemsskolane i Studentsamskipnaden i Agder (SiA): Universitetet i Agder, Mediehøgskolen Gimlekollen, Noroff og Ansgarskolen.
VT fungerer som eit bindeledd mellom SiAs medlemsskolar.
Velferdstingets arbeidsoppgåver:
Jobbar for velferdsrettane dine som student i Agder
Vel studentreprepresentantar til styret i SiA og Sørbok Kulturfond
Fordeler studentsosiale midlar til studentaktivitetar og er rådgivande organ for styret i Studentsamskipnaden i mange sakar
Vi har kontor både i Kristiansand og i Grimstad. I Kristiansand held vi til i bygg 24, bak Stiften og Alibiet. I Grimstad har vi kontor i 2. etasje på Bluebox, hvor vi er til stades to dagar i veka.
Adresse:
Studentorganisasjonen i Agder
Serviceboks 422 4604 Kristiansand