– Å ikkje klippa plenen er eit enkelt og effektivt tiltak for å sikra biologisk mangfald på campus, seier miljørådgivar Katharina Reionn Bjørnestøl.
Ho er leiar for Universitetet i Agders (UiA) arbeidsgruppe for biologisk mangfald. Gruppa består også av biologar, tilsette ved Naturmuseet, eiendomsavdelinga, Statsbygg og Studentorganisasjonen i Agder.
Fekk beskjed om å venta
Det er Statsbygg som er ansvarleg for klipping av plenar på campus, men for første gong har dei fått beskjed om å venta litt.
– Det har vorte større merksemd rundt plenklipping, spesielt på våren. Ved å la løvetann og andre plantar blomstra fritt i plenen sørgjer me for betre tilgang på pollen og nektar for insekta tidleg i sesongen, seier Bjørnestøl.
Nokon blir klipte som vanleg
Så viss du ser ein uklippa plen på Campus Kristiansand i tida framover, så har ho ikkje gått i gløymeboka. Dei blir først klipte rundt midten av juni. Nokre plenar, slik som den store plenen mellom fakultetsbygga, blir klipt som vanleg.
- E-post
- katharina.r.bjornestol@uia.no
- Telefon
- +47 38 14 17 05