– Det er veldig spennande, og det er også heilt i tråd med vår samskapingsstrategi inn mot kunnskapssamarbeid med eksterne partnarar. For UiAs studentar er det også ein stor fordel å ha tilgang til eit slik innovasjonsmiljø på campus, seier Sunniva Whittaker, rektor på UiA.
![Bildet viser rektor Sunniva Whittaker.](/om-uia/fakultet/teknologi-og-realfag/aktuelt/bilder/sunniva-whittaker-foto-jon-petter-thorsen-aptum-dsc_3720-1600_halfwidth_halfwidth.jpg)
Morrow Research Centre (MRC) skal vere eit kompetanse- og utviklingssenter for hovudfabrikken dei byggjer i Arendal. Ifølgje Morrow har dei Noregs største batterisenter. Bygget inneheld 2.000 kvadratmeter med laboratorie-fasilitetar og kontor over tre etasjar. UiAs batteriforskarar får eigne kontor og tre laboratorium i senteret.
![Bildet viser Johannes Landesfeind, Sunniva Whittaker, Dr. Rahul Fotedar og Jon Fold von Bülow.](/om-uia/fakultet/teknologi-og-realfag/aktuelt/bilder/morrow-opening-2023-06-09_028_halfwidth.jpg)
– Morrows anlegg på campus gir UiA tilgang til topp moderne utstyr for produksjon av batteri i større skala. I tillegg vil både studentar og tilsette på UiA kunne utveksle kunnskap og erfaring side om side med Morrows forskarar, seier Whittaker.
Batterisatsing på UiA
Forskingssenteret vil spele ei viktig rolle i utviklinga av ny batteriteknologi. Arbeidet på senteret skal fremme samarbeidet mellom akademia og batteriindustrien. Her har Universitetet i Agder (UiA) er viktig rolle.
![Bildet viser Johannes Landesfeind.](/om-uia/fakultet/teknologi-og-realfag/aktuelt/bilder/johannes-landesfeind_halfwidth.jpg)
UiA har 13 kontorplassar i det nye forskingsenteret. 18 UiA-tilsette er direkte knytt til senteret. Stillingane blir fordelt på tre professorar på fulltid, fem professorar i 20 prosents stillingar, sju doktorgradsstipendiatar og tre andre forskarstillingar.
I januar 2022 blei den tyske forskaren, førsteamanuensis Johannes Landesfeind, tilsett for å leie UiAs batterisatsing, Battery Coast. Landesfeind fortel at UiA og Morrow allereie har starta opp felles prosjekt, og at dei ser fram til å halde fram å utvikle samarbeidet.
– Samarbeidet vil hjelpe oss med å fokusere på relevante utfordringar knytt til framtidas batteria. Fasilitetane og samarbeidet gjer det mogleg å arbeide med verkelege problemstillingar og går ut over laboratorietesting, seier Landesfeind.
Relevant utdanning
Battery Coast-satsingen er i tett samarbeid med Morrow og næringslivet i regionen. Målet er å byggje opp forskings- og fagmiljøet innan batteriteknologi. Til hausten kan også studentane velgje batteriteknologi som spesialisering i både bachelor- og masterutdanninga si i fornybar energi.
![Bildet viser ansatte i Morrow som klipper en snor.](/om-uia/fakultet/teknologi-og-realfag/aktuelt/bilder/morrow-opening-2023-06-09_024_halfwidth.jpg)
Undervising på mastergrad-nivå startar til hausten, men bachelorprogrammet innan fornybar energi starta allereie i fjor haust.
For UiAs studentar gir dette ein unik sjanse for arbeidslivsrelevant utdanning.
– Regionen vil trenge mange med batterikompetanse dei neste åra. Derfor spissar vi vår utdanning av framtidige batteriingeniørar med dei ferdigheitene som krevst i batteriindustrien, seier Landesfeind.