- Forskings- og utviklingsarbeid i lærarutdanningane.
- Inntil kr. 200.000,– per prosjekt/søknad.
- Søknadsfrist 30. juni.
Universitetsstyret ved UiA har sett av midlar for å stimulera til auka forskings- og utviklingsarbeid som er lærarutdanningsrelevant og praksisretta. Midlane er ein del av satsinga til universitetet på profesjonsforsking.
Det kan søkjast midlar til forprosjekt som kan danna grunnlag for større søknader om finansiering og nye prosjekt som kan gjennomførast innan rammene for denne utlysinga.
Aktuelle område
Det kan søkjast om midlar til forsking og utvikling innan følgjande område:
- utdanningsforsking, lærings-, undervisnings- og vurderingsformer
- fagdidaktikk og barnehagepedagogikk knytt til barnehage- og skulefeltet
- barns kvardagsliv i barnehage og skule
- utvikling av lærarutdanningane og skulefeltet i lys av Kunnskapsløftet
I søknaden må det komma fram på kva måte prosjektet er relevant, styrkjer lærarutdanningane som forskingsbaserte og er forankra i aktuell(e) forskingsgruppe(r).
Søknaden
Vi ber om ein kort (maks 12 000 teikn, som utgjer ca. fire A4-sider), grunngitt prosjektskisse med følgjande innhald:
- tittel på søknad/prosjekttittel
- prosjektleiar/prosjektmedlemmer
- bakgrunn og mål med prosjektet
- metode og gjennomføring av prosjektet
- forventa betydning for lærarutdanningane/praksisfeltet
- budsjett: inklusive plan for ressursbruk (prosjektdeltakarar o.a.), eigendelen i prosjektet i form av FoU-tid og eventuell anna finansiering
- tidsplan
- plan for formidling av resultat
- eventuell plan for vidare søkning om ekstern finansiering
- referanseliste
Dersom prosjektet legg opp til samarbeid med barnehagar eller skular, skal dette vera avklart med spesifikk(e) partnar(e) på søknadstidspunkt. Forskingskoordinator kan hjelpa til med dette.
Ettersom tildeling av midlar kan påverka arbeidsplanane til søkjarar frå UiA, må instituttleiinga vera orientert om søknaden og ha godkjent han via innmeldingsskjema som skal nyttast ved innsending av søknad (sjå «Søknad og søknadsfrist»).
Ved eventuelt frikjøp og berekning av lønnskostnader for UiA-tilsette, blir timesatsen berekna for planlagd tid som «internt prosjekt» i UiAs budsjettmal. Vidare må søkjar oppgi kor mange prosent FoU-tid som blir lagd inn i prosjektet som eigeninnsats i budsjettet for søknaden.
Prosess og tildeling
Realistisk ramme for tildeling av FoU-midlar i 2025 vil vera inntil 200 000 kroner per prosjekt/søknad.
Prosjektet skal vera avslutta innan 31. desember 2025 (med mindre det ligg særlege grunnar føre for lenger varigheit). Søkjarar som får støtte kan bli kontakta for presentasjon av prosjektet, eksempelvis i samband med forskingsdagane, fagmøte og seminar på UiA.
Lærerutdanningenes FoU-utval behandlar søknadene og tildeler midlar.
Søknad og søknadsfrist
Søknad blir sendt inn via skjema i Selvbetjeningsportalen med frist 30.6.24.
Søknaden må vera godkjent av instituttleiar innen søknadsfrist i Selvbetjeningsportalen; det er derfor å anbefale å involvera instituttleiar i tilstrekkelig tid før fristen 30.6.2024
Kontaktpersonar
- E-post
- ottar.michaelsen@uia.no
- Telefon
- +47 38 14 10 65
- E-post
- erik.grasaas@uia.no
- Telefon
- +47 38 14 17 03