Det er mange fjellplanter som ikkje veks naturleg på Agder. Vi prøver å få tak i dei ved hjelp av frøbytte med dei andre botaniske hagane i Norden. Desse plantene har fått sitt eige bed.
Plantane under blir presenterte med norske, latinske, engelske og tyske namn.
Foto: ©Naturmuseum og Botanisk Hage, UIA/ Per Arvid Åsen
Blåmjelt
Astragalus norvegicus
Norwegian milk-vetch;
Norwegischer Tragant
Blåmjelt (Astragalus norvegicus) har ein særmerkt blåfarge på blomane. Blomestanden er avlang. Veks på baserik (kalkrik) grunn i fjellet frå Hedmark og Oppland til Finnmark.
Dovrerublom
Draba glabella var. dovrensis
Smooth whitlowgrass
Dovrerublom (Draba glabella var. dovrensis) høyrer til ein lokal rase som berre er kjend frå fjellet i Hedmark, Oppland, Sogn og Fjordane, Møre og Romsdal og Sør-Trøndelag.
Fjellnøkleblom
Primula scandinavica
Scandinavian Primrose
Skandinavische Primel
.jpg)
Fjellnøkleblom (Primula scandinavica) blømer tidleg i Ljosland fjellhage. Heile planta er kvitmjøla. Vakker. Veks på baserik (kalkrik) grunn i fjellet. Truleg berre i Skandinavia (ikkje Agder). NT (nær truet) på den norske rødlista (2010).
Kalkarve
Arenaria pseudofrigida
Tundra sandwort
.jpg)
Kalkarve (Arenaria pseudofrigida) har ei nordaustleg utbreiing på Varangerhalvøya i Finnmark og på Svalbard. Kalkkrevjande. NT (nær truet) på den norske rødlista (2010).
Kolavalmue
Papaver lapponicum
Lapland poppy;
Lappland-Mohn
.jpg)
Kolavalmue (Papaver lapponicum) er ei særs dekorativ fjellvalmue, men kronblada fell tidleg av etter bløminga. Fins berre nokre få stadar i Kvænangen (Troms) og Alta (Finnmark). EN (sterkt truet) på den norske rødlista (2010).
Norsk malurt
Artemisia norvegica
Norwegian Mugwort;
Norwegischer Beifuss
Norsk malurt (Artemisia norvegica) høyrer heime i same slekt som dei gamle, innførte kulturplantene ekte malurt, burot, estragon og abrodd. Men norsk malurt er ein ekte vill fjellplante i Noreg, med ei sørleg utbreiing i fjellet. Ikkje Agder. VU (sårbar) på den norske rødlista (2010).
Nålearve
Minuartia rubella
Mountain Sandwort;
Mieren-Art
Nålearve (Minuartia rubella) veks på baserik (kalkrik) grunn i fjellet, i sør frå Hordaland, Oppland, Hedmark, Møre og Romsdal og Sør-Trøndelag, i nord frå Nordland til Finnmark. Vanleg på Svalbard.
Polarflokk
Polemonium boreale
Northern Jacob's-ladder
Nördliche Jakobsleiter
.jpg)
Polarflokk (Polemonium boreale) er i dag berre kjend frå ein plass på fastlandet i Noreg: Bugøynes kyrkjegard i Finnmark der dette biletet er teke i 2008. CR (kritisk truet) på den norske rødlista (2010).
Reinmjelt
Oxytropis lapponica
Northern Milk-vetch;
Lappländer Spitzkiel
Reinmjelt (Oxytropis lapponica) veks på baserik (kalkrik) grunn i fjellet frå Hedmark, Oppland, Buskerud og Hordaland til Finnmark.
Sibirkoll
Armeria scabra
Arctic thrift;
Sibirische Grasnelke
Sibirkoll (Armeria scabra) er ikkje så fargerik som fjørekollen (strandnellik) på svaberga. Sibirkollen er ei nordleg fjellplante som berre veks i Troms og Finnmark.
Skredrublom
Draba glabella var. glabella
Skredrublom (Draba glabella var. glabella) har ei nokså vid utbreiing i fjellet frå Hedmark og nordover til Finnmark. Også på Svalbard.